საბერძნეთის საერთაშორისო ტურნირი (24.07.2010)

   22–29 ივლისს საბერძნეთში (პალეოჰორა) ტარდება მე–3 ღია საერთაშორისო ტურნირი რომლის საპრიზო ფონდი 8300 ევროს შეადგენს. ტურნირში მონაწილეობს 26 ქვეყნის 238 მოჭადრაკე, მათ შორის 5 ქართველი მოჭადრაკე: მალხაზ სულაშვილი (2498), ბელა ხოტენაშვილი (2423), ნინო ბაციაშვილი (2383), ალექსანდრა ვახანია (2199) და ანა გავაშელი (2168). ტურნირი შვეიცარიული სისტემით 9 ტურად ტარდება.

იხილეთ: ტურნირი ოფიცილური ვებ–გვერდი. ტექნიკური შედეგები

ესპანეთის საერთაშორისო ტურნირი (24.07.2010)

  19–27 ივლისს ესპანეთში ტარდება მე–15 საერთაშორისო ტურნირი XV OPEN INTERNACIONAL d ESCACS CIUTAT DE BALAGUER, რომელშიც მონაწილეობს 92 მოჭადრაკე, მათ შორის 21 დიდოსტატი და 21 საერთაშორისო ოსტატი. ტურნირის საპრიზო ფონდია 13000 ევრო. ტურნირში ასევე მონაწილეობს ქართველი დიდოსტატი – ლევან აროშიძე (2548). იხილეთ ტურნირის ოფიციალური ვებ–გვერდი. იხილეთ ტექნიკური შედეგები:  LIVE  დასაწყისი 17:30სთ

ფესტივალის ღია ტურნირი (21.07.2010)

    ფესტივალის ღია ტურნირში მონაწილეობდა 57 მოჭადრაკე, მათ შორის 5 საერთაშორისო დიდოსტატი, 8 საერთაშორისო ოსტატი და 6 ფიდეს ოსტატი. ადგილები და ფულადი პრიზები შემდეგნაერად გადანაწილდა: 1 – კ. შანავა (4000ლ.), 2 – ლ. ფანცულაია (2000ლ.), 3 – შ. აზალაძე (1500ლ.), 4 – ზ. მამადოვი (1200ლ.), 5 – დ. ბენიძე (1000ლ.), 6 – გ. ნიგალიძე (800ლ.) 7 – ა. შალამბერიძე (500ლ.). ქალთა შორის: 1 – მ. მიქაძე (1500ლ.), 2 – მ. ლომინეიშვილი (900ლ.) 3 – მ. არაბიძე (600ლ.). 18 წლის საუკეთესეო ჭაბუკი – ზ. ჯავახაძე (600ლ.), 18 წლის საუკეთესო გოგონა – ლ. კობეშავიძე (400ლ.). ღია ტურნირი

იხ. დაწვრილებითი ინფორმაციები. ფოტოგალერეა. ვიდეო. 1. 2

ფესტივალის სპეციალური პრიზები (21.07.2010)

  ფესტივალში დაწესებული იყო სხვადასხვა სპეციალური პრიზები: ფესტივალის საუკეთესო კომბინაციისათვის ანდრეა დადიანის პრიზი ერგო ფარვიზ ჩაჩიბაიას. პრიზი გადაეცა ყველაზე უმცროსი ასაკის მოჭადრაკეს საბა ლომსაძეს. საუკეთესო ფოთელი მწვრთნელისათვის დაწესებული ირაკლი ლოლუას სახელობის პრიზი გოჩა ჩაჩუას ერგო.   

 იხ. დაწვრილებითი ინფორმაციები. ფოტოგალერეა. ვიდეო. 1. 2

ფესტივალის ასაკობრივი ტურნირები (21.07.2010)

    ასაკობრივ ტურნირებში მონაწილეობდა 229 მოჭადრაკე და გამოირჩეოდა საკმაოდ ძლიერი შემადგენლობით, თითქმის ყველა ასაკში მონაწილეობდა საქართველოს ჩემპიონები და პრიზიორები სრული შემადგენლობით. იხილეთ ტექნიკური შედეგები:

8 წლის გოგონები. 8 წლის ჭაბუკები. 10 წლის გოგონები. 10 წლის ჭაბუკები. 12 წლის გოგონები. 12 წლის ჭაბუკები. 14 წლის გოგონები. 14 წლის ჭაბუკები

ნანა ალექსანდრიას თასი–2010

   9–19 ივლისს ქ. ფოთი კვლავ უმასპინძლებს ტრადიციულ მე–5 საერთაშორისო საჭადრაკო ფესტივალს "ნანა ალექსანდრიას თასი–2010"–ს. ფესტივალი 2006 წლიდან ქ. ფოთის თვითმართველობის ორგანიზებით ტარდება და მასში წინა წლებში მონაწილეობდნენ აზერბაიჯანის, სომხეთის, უკრაინის, რუსეთის, ჰოლანდიის, ესტონეთის და ირანის წარმომადგენლები. 2010 წლის ფესტივალზე გარდა ასაკობრივი ტურნირებისა ჩატარდება ღია ტურნირი. ფესტივალის მთლიანი საპრიზო ფონდი 26 000 ლარს შეადგენს. ფესტივალი ჩატარდება დარბაზ "მონოპოლში", მისამართი: მარჯანიშვილის ქ. #21

 იხ. დაწვრილებითი ინფორმაციები    LIVE   (დასაწყისი 11:00 სთ.). ვიდეო. 1. 2

ქალთა გრანპრი (27.06.2010)

  25 ივნისიდან 6 ივლისამდე სომხეთის ქალაქ ჯერმუკში ტარდება ქალთა გრანპრის მე–4 ტურნირი. ტურნირში 12 მსოფლიოს უძლიერესი მოჭადრაკე ქალი მონაწილეობას, მათ შორის 2 ქართველი დიდოსტატი: მაია ჩიბურდანიძე(2514) და ნანა ძაგნიძე(2478). ტურნირის საპრიზო ფონდი 40 000 ევროს შეადგენს.

იხილეთ: ტურნირის ოფიციალური ვებ–გვერდი.  ტექნიკური შედეგები.  სატურნირო ცხრილი.  Live.  ფოტოგალერეა.

ვ. ქარსელაძის მემორიალი (27.06.2010)

   23–29 ივნისს ქ. თბილისში, ნ. გაფრინდაშვილის სახელობის ჭადრაკის სასახლეში ტარდება ვ. ქარსელაძის მემორიალი 8, 10, 12 და 14 წლამდე მოჭადრაკეთა შორის. თითოეულ გუნდში 3 ჭაბუკი და 1 გოგონა ასპარეზობს. ტურნირში სულ 66 გუნდი მონაწილეობს და შვეიცარიული სისტემით, 7 ტურად ტარდება. გამარჯვებისთვის გუნდს 2 ქულა ეწერება, ხოლო მატჩის ფრედ დასრულების შემთხვევაში კი 1 ქულა.

   იხილეთ: დებულება. ტექნიკური შედეგები: 8 წლამდე, 10 წლამდე, 12 წლამდე, 14 წლამდე.

საქართველოს ჩემპიონატი 14 წლის ჭაბუკთა და გოგონათა შორის (13.06.2010)

   5–13 ივნისს ქ. ბათუმში ჩატარდა საქართველოს ჩემპიონატი 14 წლამდე ასაკის ჭაბუკთა და გოგონათა შორის. ჩემპიონატი შვეიცარიული სისტემით, 9 ტურად გაიმართა და 1–2 ადგილზე გასულმა მოჭადრაკეებმა მსოფლიოსა ევროპის ჩემპიონატების საგზურები მოიპოვეს. ჩემპიონატში მონაწილებდა საქართველოს სხვადასხვა რეგიონის 42 ჭაბუკი და 25 გოგონა, მათ შორის ფოთის ნ. ალექსანდრიას სახელობის საჭადრაკო სკოლის 3 მოსწავლე: ნიკა ღვამბერია(1747), ადა ქაქუთია(1724) და თათია კოხრეიძე(1591).

    იხილეთ: დებულება.   ტექნიკური შედეგები საბოლოო:  ჭაბუკები.  გოგონები.

შ. ინწკირველის მემორიალი (09.06.2010)

   5–8 ივნისს ქ. თბილისის ნონა გაფრინდაშვილის სახელობის ჭადრაკის სასახლეში ტარდება საქართველოს დამსახურებული მწვრთნელის შოთა ინწკირველის მემორიალი. ტურნირი შვეიცარიული სისტემით, 7 ტურად ტარდება და მასში მონაწილეობენ 7 და 9 წლის ჭაბუკები და გოგონები. ტურნირში ასევე მონაწილეობს 4 ფოთელი მოჭადრაკე: მარიამ სკამკოჩაიშვილი, ანი მიქაძე, ლევან აბულაძე, გიორგი ლემონჯავა.

   იხილეთ: დებულება. ტექნიკური შედეგები საბოლოო. 7წ. ჭაბუკები,  7წ. გოგონები,  9წ. ჭაბუკები,  9წ. გოგონები.

ევროპის ასაკობრივი ჩემპიონატი (21.05.2010)

   19–29 სექტემბერს ქ. ბათუმში ჩატარდება ევროპის ჩემპიონატი 8, 10, 12, 14, 16 და 18 წლის ჭაბუკთა და გოგონათა შორის. საქართველოში ბოლოს მსგავსი მასშტაბის ტურნირი, მსოფლიოს ასაკობრივი ჩემპიონატი 2006 წელს გაიმართა. ჩემპიონატი შვეიცარიული სისტემით, 9 ტურად ჩატარდება. უკვე მიმდინარეობს მონაწილეთა რეგისტრაცია, მონაწილეობის მსურველებმა უნდა მიმართონ რეგიონალურ ჭადრაკის ფედერაციებს.

იხილეთ: დებულება. 

მაია ჩიბურდანიძის თასი (03.06.2010)

   25 მაისს ქ. თბილისში სტარტი აიღო ქალთა საერთაშორისო საჭადრაკო ტურნირმა "მაია ჩიბურდანიძის თასზე". ტურნირის საპრიზო ფონდი 32 000 ლარს შეადგენს და მასში საქართველოს თითქმის ყველა წამყვანი მოჭადრაკე მონაწილეობას, ასევე სხვადასხვა ქვეყნების საკმაოდ ძლიერი მოჭადრაკეები. ტურნირი შვეიცარიული სისტემით, 9 ტურად ტარდება.

   იხილეთ: დებულება.  ტექნიკური შედეგები.        ცხრილი 8 ტურის შემდეგ 2000–2299 და 1999–მდე რეიტინგის მქონე მოჭადრაკეების.    

   Live: 1–6 დაფა (დასაწყისი 11:00სთ.),   პარტიები 1–6 ტური.

   ფოტო: 1  2  3  4               ვიდეო

თბილისის მერიის თასი – 2010 (23.05.2010)

   23 მაისს ქ. თბილისში დასრულდა, მე–2 ღია საერთაშორისო საჭადრაკო ტურნირი "თბილისის მერიის თასი – 2010". ტურნირის საპრიზო ფონდი 64 000 ლარს შეადგენდა და მასში 191 მოჭადრაკე იღებდა მონაწილეობას, მათ შორის საქართველოს უძლიერესი დიდოსტატები. ტურნირის ქ. თბილისის მერიის ორგანიზებით ჩატარდა. ტურნირი შვეიცარიული სისტემით, 9 ტურად გაიმართა და სასტუმრო "დპლაზა"–ში ჩატარდა. ტურნირში 2 ფოთელი მოჭადრაკე მონაწილეობდა,  გიორგი გამზარდიამ 6 ქულა აიღო, ხოლო ნინო ანაკიძემ კი 3,5 ქულა

იხილეთ: დებულება.  ტექნიკური შედეგები:  პარტიები 1-7 ტური.

საქართველოს ჩემპიონატი 8 წლის ჭაბუკთა და გოგონათა შორის (21.05.2010)

   15–24 მაისს ქ. ქუთაისში ტარდება საქართველოს ჩემპიონატი 8 წლის ჭაბუკთა და გოგონათა შორის. ჩემპიონატი შვეიცარიული სისტემით, 9 ტურად ტარდება და 1–2 ადგილებზე გასული მოჭადრაკეები მსოფლიოსა და ევროპის ჩემპიონატების საგზურებს მოიპოვებენ. ჩემპიონატში 80 ჭაბუკი და 46 გოგონა მონაწილეობს, მათ შორის ფოთის ნ. ალექსანდრიას სახელობის საჭადრაკო სკოლის 4 მოსწავლე. 8 ტურის შემდეგ ანი მიქაძეს 5,5 ქულა აქვს, სანდრო ლატარიას 4,5 ქულა, ლევან ჩაჩავას 3 და გიგა აბულაძეს 4,5.

იხილეთ: დებულება. ტექნიკური შედეგები 9 ტური: ჭაბუკები. გოგონები. 

საქართველოს ჩემპიონატი 16 წლის ჭაბუკთა და გოგონათა შორის (08.05.2010)

   29 აპრილიდან 7 მაისის ჩათვლთ ქ. ფოთის ნანა ალექსანდრიას სახელობის საჭადრაკო სკოლის სატურნირო დარბაზში ჩატარდა საქართველოს ჩემპიონატი 16 წლის ჭაბუკთა და გოგონათა შორის. ჩემპიონატში მონაწილეობდა საქართველოს სხვადასხვა რეგიონის 52 მოჭადრაკე. ტურნირი შვეიცარიული სისტემით 9 ტურად ჩატარდა. ტურნირის დირექტორი იყო სამეგრელო–ზემო სვანეთის რეგიონის ჭადრაკის ფედერაციის პრეზიდენტი – გერმანე სალია. მთავარი მსაჯი – ეროვნული კატეგორიის მსაჯი დათო კოდუა. ადგილები შემდეგნაერად გადანაწილდა: ჭაბუკები: 1–ირაკლი ბერაძე, 2–ნიკა ვოლკოვი, 3–ნოდარ ლორთქიფანიძე. გოგონები: 1–ნანი უნაფქოშვილი, 2–მარიამ დანელია, 3–ნინო ანაკიძე.

იხილეთ: დებულება.  ტექნიკური შედეგები Online: ჭაბუკები. გოგონები

პარტიები:  ფოტოგალერეა:      ვიდეო.  მოჭადრაკეები ტურის შემდეგ (ვიდეო).

ვიშვანათან ანანდი მსოფლიო ჩემპიონია (08.05.2010)

   11 მაისს ბულგარეთში (სოფია) დასრულდა მსოფლიო ჩემპიონატის მატჩი ვიშვანათან ანანდისა(2789, ინდოეთი) და ვესელინ ტოპალოვის (2812, ბულგარეთი) მონაწილეობით. მატჩი 12 პარტიისგან შედგებოდა. მატჩი საკმაოდ დაძაბულად წარიმართა და ინდოელმა მოჭადრაკემ მხოლოდ ბოლო პარტიაში გამარჯვებით მსოიფლიო ჩემპიონის ტიტული. გამარჯვებულმა მოჭადრაკემ 1 200 000 ევროს მიიღო, ხოლო დამარცხებულმა კი 800 000 ევრო. საბოლოო ანგარიში  6,5–5,5 დაფიქსირდა ანანდის სასარგებლოდ. იხილეთ: ოფიციალური ვებ–გვერდი. ტექნიკური შედეგები და პარტიები. ფოტო და ვიდეო.

ფიდეს ქალთა გრანპრი (11.05.2010)

   7 მაისს რუსეთის ქალაქ ნალჩიკში დასრულდა ფიდეს ქალთა გრანპრის მე–3 ეტაპის ტურნირი რომელშიც მონაწილეობდა მსოფლიოს უძლიერესი 12 დიდოსტატი, მათ შორის ქართველი მოჭადრაკე ნანა ძაგნიძე(2479). ტურნირი წრიული სისტემით ჩატარდა. პირველი ადგილი 9 ქულით რუსმა დიდოსტატმა ტატიანა კოსინცევამ(2524) მოიპოვა, მე–2 ადგილზე 7,5 ქულით ჩინელი მოჭადრაკე ჰიუ ჰიუფანი(2570) გავიდა, ხოლო მესამეზე კი ქართველი დიდოსტატი ნანა ძაგნიძე.

   იხილეთ: ტექნიკური შედეგები. ტურნირის ოფიციალური ვებ–გვერდი. LIVE

საქართველოს ჩემპიონატი 10 წლის ჭაბუკთა და გოგონათა შორის (27.04.2010)

   19–27 აპრილს ქ. თბილისის ნ. გაფრინდაშვილის ჭადრაკის სასახლეში ტარდება საქართველოს ჩემპიონატი 10 წლის ჭაბუკთა და გოგონათა შორის. ტურნირი შვეიცარიული სისტემით 9 ტურად ჩატარდება და მასში მონაწილეობას მიიღებს ფოთის ნ. ალექსანდრიას სახელობის საჭადრაკო სკოლის 9 მოსწავლე. ჩემპიონატში 1–2 ადგილზე გასული ჭაბუკები და გოგონები მოიპოვებენ მსოფლიოსა და ევროპის ჩემპიონატების საგზურებს.

იხილეთ: დებულება. საბოლოო შედეგები: ჭაბუკები, გოგონები. ფოთელ მოჭადრაკეთა შედეგები.

საქართველოს ჩემპიონატი 20 წლის ჭაბუკთა და გოგონათა შორის (15.04.2010)

   7–15 აპრილს ქ. თბილისში ჩატარდა საქართველოს ჩემპიონატი 20 წლის ჭაბუკთა და გოგონათა შორის. ჩემპიონატი შვეიცარიული სისტემით 9 ტურად გაიმართა და მონაწილეობა მიიღო 30 ჭაბუკმა და 26 გოგონამ, მათ შორის ფოთის ნ. ალექსანდრიას სახელობის საჭადრაკო სკოლის მოსწავლემ – ნინო ანაკიძე. საპრიზო ადგილები შემდეგნაერად გადანაწილდა. ჭაბუკები: 1 – დავით ლომსაძე, 2 – ლუკა პაიჭაძე, 3 – დავით ბენიძე. გოგონები: 1 – ნანი უნაფქოშვილი, 2 – მარიამ დანელია, 3 – სალომე ხაჟომია. პირველ ადგილზე გასულმა მოჭადრაკეებმა მსოფლიოს ჩემპიონატის საგზურები მოიპოვეს.

იხილეთ: დებულება.  საბოლოო შედეგები: ჭაბუკები. გოგონები.

დუბაის ღია ტურნირი(12.04.2010)

   5–14 აპრილს დუბაიში ტარდება ტრადიციული ღია ტურნირი რომლის საპრიზო ფონდი 45 000 აშშ დოლარს შეადგენს. ტურნირში 32 ქვეყნის 154 მოჭადრაკე მონაწილეობს, მათ შორის 36 დიდოსტატი და 9 ქალთა დიდოსტატი. საქართველოდან ტურნირში 8 მოჭადრაკე ასპარეზობს: თამაზ გელაშვილი(2621), ლევან ფანცულაია(2588), მერაბ გაგუნაშვილი(2582), დავით არუთუნიანი(2576), თორნიკე სანიკიძე(2566), კონსტანტინე შანავა(2544), ნანა ძაგნიძე(2479) და სოფიკო ხუხაშვილი(2421). 8 ტურის შემდეგ 6,5 ქულით ლიდერთა შორისაა თორნიკე სანიკიძე. იხილეთ: ტექნიკური შედეგები. ქართველ მოჭადრაკეთა შედეგები. Live: 1–10 დაფა. 11–19 დაფა. დასაწყისი 17:30.  ტურნირის ოფიციალური ვებ–გვერდი.  ფოტოგალერეა.

ქ. ფოთის ჩემპიონატი 10 წლის ჭაბუკთა და გოგონათა შორის (12.04.2010)

   9-12 აპრილს ჩატარდა ქ. ფოთის ჩემპიონატი 10 წლის ჭაბუკთა და გოგონათა შორის. ჭაბუკთა შორის 12 მოჭადრაკე ასპარეზობდა და ტურნირი შვეიცარიული სისტემით 7 ტურად გაიმართა, გოგონათა შორის კი 5 მოჭადრაკე ასპარეზობდა და ტურნირი წრიული სისტემით ჩატარდა.  ჭაბუკთა შორის ქალაქის ჩემპიონის ტიტული ომარ ზარგინავამ მოიპოვა, მე–2 ადგილზე გიგი თოლორდავა გავიდა, მე–3 იყო ნიკოლა კაპანაძე. გოგონათა შორის 1–ლი ადგილი მარიამ დოლიძემ დაიკავა, მე–2 ადგილი კი ვიქტორია ჯანაშიამ, მე–3 ადგილზე ანი მიქაძე გავიდა. 10 წლის ასაკის ფოთელი მოჭადრაკეები საქართველოს ჩემპიონატისთვის ემზადებიან, რომელიც 18–27 აპრილს ჩატარდება ქ. თბილისში.

 იხ. ტექნიკური შედეგები: ჭაბუკები.  გოგონები.

ევროპის სასკოლო ჩემპიონატი (06.04.2010)

   5–11 აპრილს საბერძნეთში, ქალაქ სალონიკში ჩატარდა ევროპის ინდივიდუალური სასკოლო ჩემპიონატი 7, 9, 11, 13, 15 და 17 წლამდე ასაკის ჭაბუკთა და გოგონათა შორის. ჩემპიონატში მონაწილეობა მიიღო ევროპის სხვადასხვა ქვეყნის 227 მოჭადრაკემ, მათ შორის ქუთაისის მაია ჩიბურდანიძის სახელობის საჭადრაკო სკოლის 7 მოსწავლემ: მერი არაბიძე, ზურაბ ჯავახაძე, ანა შამათავა, გიორგი დანგაძე, მარიამ წულაია, ვახტანგ ჩაჩხიანი და გიგა დარსაველიძე.  ქართველთაგან 1–ლი ადგილები ზურაბ ჯავახაძემ(17 წლ.) და ანა შამათავამ(15 წლ.) დაიკავეს, ხოლო მერი არაბიძეს(17 წლ.) კი მე–3 ადგილი ერგო. იხ. ჩემპიონატის ოფიციალური ვებ–გვერდი. იხილეთ იმ ასაკის ტექნიკური შედეგები რომელშიც მონაწილეობდნენ ქართველი მოჭადრაკეები: 13 წ. ჭაბუკები, 13 წ. გოგონები,  15 წ. ჭაბუკები და გოგონები, 17 წ. ჭაბუკები,  17 წ. გოგონები.

ოთარ ხომერიკის მემორიალი (29.03.2010)

   27 მარტს ფოთის ნანა ალექსანდრიას სახელობის საჭადრაკო სკოლაში სტარტი აიღო ტრადიციულმა საჭადრაკო ტურნირმა ოთარ ხომერიკის მემორიალმა. ტურნირი უკვე მერვედ ტარდება და ეძღვნება ფოთის სპორტკომიმეტის ყოფილი თავჯდომარის, სპორტის დამსახურებული მუშაკის ოთარ ხომერიკის ხსოვნას. ტურნირში მონაწილეობას იღებს 63 მოჭადრაკე და ტარდება 7 და 9 წლამდე ასაკის მოჭადრაკეთა შორის, ასევე ტარდება ღია ტურნირი რომელშიც ითვლება ფიდეს რეიტინგი. მემორიალი შვეიცარიული სისტემით 9 ტურად იმართება და 31 მარტს დასრულდება.

   იხილეთ ტექნიკური შედეგები: 7 წლამდე. 9 წლამდე. ღია ტურნირი.

ნიკა ღვამბერია საქართველოს ჩემპიონია!!! (25.03.2010)

   25 მარტს ქ. თბილისში დასრულდა საქართველოს ჩემპიონატი 12 წლის ჭაბუკთა და გოგონათა შორის რომელშიც ბრწყინვალედ იასპარეზა და საქართველოს ჩემპიონობა მოიპოვა ფოთის ნ. ალექსანდრიას სახელობის საჭადრაკო სკოლის მოსწავლემ – ნიკა ღვამბერიამ, მან წაუგებლად განვლო მთელი ტურნირი, 6 პარტიაში გაიმარჯვა, ხოლო 3 კი ფრედ დაასრულა და 7,5 ქულით დამაჯერებლად მოიპოვა საქართველოს ჩემპიონის ტიტული. ნიკამ ამ გამარჯვებით მსოფლიო ჩემპიონატის საგზური მოიპოვა, რომელიც ოქტომბერში საბერძნეთში გაიმართება.

   კარგი შედეგი აჩვენა 10 წლის ომარ ზარგინავამ, მან 6,5 ქულა აიღო და მე–7ადგილი დაიკავა მასზე 2 წლის უფროს მოჭადრაკეებთან ჭიდილში. პირველ ათეულში კიდევ 2 ფოთელი მოჭადრაკე გავიდა: გოგონათა შორის 5,5 ქულით მე–9 ადგილი ანი ჭანტურიას ერგო, ხოლო ჭაბუკთა შორის მე–10 იყო გიგი აბსარიძე. ვულოცავთ ფოთელ მოჭადრაკეებს საქართველოს ჩემპიონატზე ბრწყინვალე გამოსვლას.  იხილეთ რუსთავი2 – ზე გასული სიუჟეტი.